Neithiwr, roeddwn yn bwriadu ysgrifennu review bach personol am y gyfres newydd o Top Gear. (Ro'n i wedi ei golli e dydd Sul, so watcho'r repeat neithiwr wnes i a Nhad). Ond a oedd y cyfrifiadur yn fodlon gweithio? O nag oedd.Felly dyma fi'n ei ysgrifennu fe bore 'ma, cyn i fi fynd i weld The Edge Of Love (Matthew Rhys, Matthew Rhys, Matthew Rhys) yn y sinema.
Dyw'r rhaglen sy'n cynnwys commentry witty Clarkson, byth yn mynd yn hen. Dwi'm yn meddwl 'ny ta beth - a fi'n rywun sydd yn gwybod dim am geir.
Tri dyn canol oed, ceir cyflym, a weirdo cudd mewn siwt wen o'r enw THE STIG. Ar bapur, dyw e ddim yn swnio'n impressive.
Ond roedd y rhaglen yn brilliant - fel arfer. Diolch i Dduw ei fod e nol ar y telly, na gyd weda i. Mae Jeremy Clarkson, James May a Richard Hammond, yn legends (yn ddiwedd coesau, i geisio bod yn ddoniol). Ar y rhaglen, ceisiodd y ddau ohonon nhw greu ceir heddlu eu hunain, gan brynu ceir ail law am bris o dan £1,000, gan fod gan yr heddlu ofn smashio'r ceir newydd sbon a drud sy 'da nhw wrth ddilyn dihirod. Am laugh - Fiat Coupe oedd gan Clarkson, roedd May wedi dewis Lexus, ac roedd Hammond wedi mynd am y Suzuki Vitaro gwyn - gan achosi'r ddau arall i werthin ar ei ben e a gwneud jokes megis "the Barbie Brigade has arrived!". Roedd Hammond hefyd wedi llwyddo i roi "Call 999 For Details" arno erbyn y diwedd... a o'n i'n meddwl fod hwnna'n genius!
Dwi wedi eu colli nhw ar y telly bob nos Sul (fi'n gwbod, nos Wener, ond chi'n deall). Dyw gwylio'r repeats ar Dave ddim yn llawer o sbri. Ma' rhai o'r episodes maent yn dangos mor hen, ma' gwallt James May yn fyr. A rhaid dweud, neithiwr, nes i - fi sy'n meddwl fod bechgyn sydd a gwallt hir yn iawn (yn wahanol i'n Nhad sy'n credu dylent gael gwalltiau byr, sydd braidd yna - skinheads, ych-a-fi) - hyd yn oed ddweud fod angen i Mr May dorri ei wallt.
Hefyd, tra'n gwylio'r teledu gyda Nhad neithiwr, tra fod Philip Schofield yn cyflwyno dathliadau 90 oed Nelson Mandela (Penblwydd Hapus i'r Black Pimpernel!), crwydrodd meddyliau Nhad i fand gastrig Fern Britton.
"I wonder os yw Fern yn gallu mynd PING gyda'i gastric band?" gofynnodd.
Bu bron i mi wlychu'n hunan yn chwerthin.
"Nhad, GASTRIC band yw e, dim elastic band!"
