Nawr, fe esbonia i y teitl wedyn. Am nawr, Deryn Du yw Elspeth, fi yw Felicity, a Pero yw Perdy.Roeddent off i dre. Ein bwriad oedd i wneud y Charity Shop Challenge wnaethom son amdano ar ein trip i Abertawe ages nol... ond roedden ni ffealu bod yn bothered.
Felly jyst trip rownd dre oedd hi.
Fe roedd Pero a finnau yn rhedeg braidd yn hwyr (roedd hi'n rhannu lifft gyda fi), ac wrth i ni frysio i fyny heibio Woolworths, dyma ni'n bwrw mewn i Llwyd. Dwi'm di gweld Llwyd ers ages - dim ers cyn TGAU pan fydde fe a fi yn sgwrsio bob bore fel dwy hen fenyw wrth drws A - ac fe roedd e'n gwisgo shades pan weles i fe so doedden i ddim yn ei adnabod i ddechrau! Pam nad ydych chi wedi disgwyl gweld rhywun y foment rydych chi'n gweld nhw, ife jyst fi yw e, neu ydyw e'n really galed gwybod beth i'w ddweud? Anyway, neis oedd gweld e eto, er ei fod yn breif encounter (of the alien kind... haha!), a un o'r pethau ddwedodd oedd "Fi newydd gerdded heibio'ch ffrind chi... fi'm yn gwbod ei henw hi?" "Yr un a specs?" gofynnais. "Ie! Na hi!" "Deryn Du," dwedodd Pero a finnau.
Brysio eto, a gweld Deryn Du'n gwynebu y ffordd arall... BOO! Gath hi bach o ofan i gael fi a Pero'n neidio i fyny tu ol iddi!
Y peth cyntaf wnaethom oedd cerdded dros bont y dref, bont y Mileniwm neu pa bynnag enw twp rhoddodd dynion cownsul y dre iddi. Roedd rhaid i ni weld pryd roedd y trenau'n mynd i Ddinbych y Pysgod. Tenby = trip dydd Iau! Wedyn, a ni wedi methu deall yr timetables trenau (er fod Deryn Du i fod yn Mathematical genius, a honno wedi penderfynu gwneud y pwnc i Lefel A), gerddon ni i Matalan, a ni wedi'r cwbwl ochor yna o'r afon anyway. Mewn a mas o fan 'na a gweld ffrind i ni, a fe yn sydyn wedi mynd yn dal iawn - a roedd y tair ohonom yn edrych ar y cawr yma sydd newydd ddatblygu o'r bachgen.
Eisteddon ni wrth y bus stop wrth yr orsaf drenau wedyn, yn edrych fel real proper hoodies, er fod hi llawer rhy dwym i wisgo siacedi o'r fath. Er, yn agos, yn y bys stop, fe roedd yna ddau fotel gwag o gwrw, a un botel ddwr llawn rhywbeth uffernol o suspicious yr olwg (rhywun yn amlwg wedi bod yn rhy desperate i hyd yn oed ffeinidio ty bach)... felly roedden ni'n gallu gweld fod Deryn Du wedi bod yno o'r blaen!
Nol dros y bont, a fe ymwelon a phob siop elusen yn dre. Roedden yn dechrau teimlo fel Mamgu 10 erbyn diwedd, achos mae hi'n byw a bod yn y llefydd. Ges i llyfyr - The Devil Wears Prada - am £1.99 or British Heart Foundation. Ha! Stori ddigri am y siop na - stori Pero. Nawr, yn wahanol a Deryn Du a finnau, sy'n ddigon hapus i scroungo arian off y rhieni yn hytrach na chwilio am jobs (d'oh, mae'n dal rhaid i mi orffen y application form Morrisons), aeth Pero allan i chwilio am job. Wrth gwrs, mae hi'n gweithio yn Bon Marche erbyn hyn, ac yn gwneud gwaith gwirfoddol yn Air Ambulence fyd. Ond ar ei thaith rownd dre yn chwilio am waith, fe roedd hi wedi cael cyfweliad am jobyn yn y British Heart Foundation (maent yn cynnig gwaith cyflog yn ogystal a gwirfoddol). Wel, wedi'r cyfweliad... gath hi wbod fod hi wedi cael ei gwrthod am ei bod hi braidd rhy ifanc - sy'n fair enough (hen fenywod sydd wastod tu ol y tills mewn siopau o'r fath!)... ond... a un ohonynt wedi bod yn rude i'w mamgu hi pan aeth hi ar ymweliad yno... a honno'n cario'i ffon, dechreuodd hi fwrw hwnnw ar y llawr - TAP TAP TAP - fel mae hi yn ol Pero'n dueddol o wneud pan mae hi'n colli hi, a cyhuddo'r British Heart Foundation o fod yn ageist!
Wel, wedi'r cwbwl, ond hen bobol sy'n cael heart attacks really. (JOKE! sori.)
Dechreuodd y bola siarad yn uwch na'r geg wedi hyn, a dyma fi'n cael y syniad da o fynd am pizza! Excited oedd y dair ohonom, a ninnau heb fod i'r bwytu Get Stuffed Pizza ers sbel, dyma ni'n mynd yno. Two Squirt pizza mawr rhwng y dair ohonom! Yuuuuuuuuuuummm. Yn Get Stuffed, bennodd y dair o ni lan yn stuffed!
Bu rhaid i Deryn Du ein gadael ni wedyn, i hedfan adref tua hanner awr wedi tri (dim really, daeth y teulu i'w hol hi), o'r bont unwaith eto. A ond fi a Pero ar ol, dyma'r ddwy ohonom yn mynd bach yn loopy. Penderfynodd y ddwy ohonom skipio dros y bont (fydd y fideo yna siwr o fod ar Youtube cyn bo hir).
Hefyd, darganfyddais fod fy ffrind gorau yn aml yn galw cwn yn "Woofydoodles" (a hynny am i ni ond jyst lwyddo i osgoi lwmpyn o gachu ci, o dog doo doo, o woopsie woofydoodle!). Dwi'n siwr gallwch ddychmygu'r chwerthin. Woofydoodles. Woofydoodles? WOOFYDOODLES!
A dyna ddiwedd ar ddiwrnod rownd dre. I orffen, rhybydd i bawb... watchwch mas am woofydoodles.
No comments:
Post a Comment